ඩෙන්මාර්කය, එක්සත් රාජධානිය, ප්රංශය සහ අනෙකුත් යුරෝපීය රටවල් සඳහා පෙබරවාරි 01 වන දින සිට මෙම තීරුබදු අයකරන බවයි ට්රම්ප් පැවසුවේ.
Truth සමාජ මධ්යයේ සටහනක, ට්රම්ප් සඳහන් කළේ එක්සත් ජනපදය විසින් “ග්රීන්ලන්තයේ සම්පූර්ණ සහ සම්පූර්ණ මිලදී ගැනීම” සඳහා වන ගිවිසුමට යුරෝපීය රටවල් එකඟ නොවන්නේ නම් ජුනි 01 වන දින සිට 10%ක තීරුබදු ප්රතිශතය 25% දක්වා ඉහළ නංවන බවටයි අනතුරු අඟවා ඇත්තේ.
යුරෝපීය නායකයින් පවසන්නේ ඩෙන්මාර්කය සහ ග්රීන්ලන්තය එම භූමිය සම්බන්ධ කරුණු තීරණය කළ යුතු බවයි.
මේ අතර ඩෙන්මාර්කය කියා සිටියේ මිත්ර පාක්ෂිකයින් සමඟ සහයෝගයෙන් ග්රීන්ලන්තයේ තම හමුදා පැවැත්ම වැඩි කරන බවයි.
ට්රම්ප් දිගු කලක් තිස්සේ අවධාරනය කරමින් සිටින්නේ එක්සත් ජනපදයට එහි “ජාතික ආරක්ෂාව” සඳහා ඛනිජ සම්පත්වලින් පොහොසත් ග්රීන්ලන්තය අවශ්ය බවයි.
මෙම සතිය මුලදී ඔහු පැවසුවේ ග්රීන්ලන්තය එක්සත් ජනපදය අතේ තිබීම හැර වෙනත් දෙයක් පිළිගත නොහැකි බවයි.
චීනය සහ රුසියාව විසින් එම භූමිය අත්පත් කර ගැනීම වැළැක්වීම සඳහා මෙම තීරණයේ එක්සත් ජනපදය දැඩිව පසුවන බවත් ට්රම්ප් පවසනවා.
