වාරිමාර්ග දෙපාර්තමේන්තුව කියන විදියට කැළණි ගඟ කිතුල්ගල, හොලොම්බුව, දැරණියගල වගේ ප්රදේශවල මහ ගංවතුර මට්ටමේ ගලා යනවා. ඒ විතරක් නෙමෙයි, මහවැලි, මැණික්, මල්වතු ඔය, දැදුරු ඔය, මී ඔය, මහ ඔය වගේ ගංගා ටිකත් මහ ගංවතුර මට්ටම ඉක්මවලා ගොස් තියෙනවා කියලා වාරිමාර්ග දෙපාර්තමේන්තුවේ ජල විද්යා හා ආපදා කළමණාකරණ ඒකකයේ අධ්යක්ෂ එල් එස් සූරියබන්ඩාර මහත්තයා කියනවා.
ඔහු විශේෂයෙන්ම අවධාරණය කළේ මෙච්චර කාලයක් තිස්සේ තමන්ගේ නිවෙස් වතුරෙන් යට වුණේ නැති නිසා, "අපිට කිසිම ප්රශ්නයක් වෙන්නේ නෑ" කියලා හිතාගෙන ගංගා අවට නිවෙස්වල හිටගෙන ඉන්න අය වහාම ආරක්ෂිත ප්රදේශවලට යන්න ඕන බව.
වාරිමාර්ග දෙපාර්තමේන්තුව තවත් කියනවා දැදුරු ඔය ජලාශය ඇතුළු ජලාශ 60කට ආසන්න ප්රමාණයක වාන් දොරටු මේ වනවිට විවෘත කරලා තියෙනවා කියලා. ජල ධාරිතාව ඉහළ යාම නිසා කලා වැවේ ජලය බළුල් වැවේ පිටවානෙන් හරහා ගලවන්න සැලසුම් කරලා තියෙනවා කියලා ශ්රී ලංකා මහවැලි අධිකාරියේ කාර්යභාර ඉංජිනේරු බුද්ධික නවරත්න මහත්තයා කියනවා.
මහවැලි ගඟ පිටාර ගැලීම නිසා පේරාදෙණිය, ගෙලිඔය වගේ ප්රදේශ ගොඩක් ඊයේ රාත්රියේම වතුරෙන් යට වුණා. ඒ නිසා එතන සිරවිලා හිටපු අයව බේරගන්න පොලිසියටයි ආපදා කළමණාකරණ අංශවලටයි දැඩි උත්සාහයක් දරන්න වුණා.
මහනුවර දිස්ත්රික්කයේ තැන් ගොඩක් පස් කඳු කඩා වැටීමත් එක්ක මාර්ග අවහිරතා ගොඩක් හැදිලා තියෙනවා. පුත්තලම දිස්ත්රික්කයේත් ගංවතුර තත්ත්වය මේ වෙලාවේ ටිකෙන් ටික වැඩි වෙමින් තියෙනවා.
Under the courtesy of ceylontoday.lk
