දිට්වා සුළි කුණාටුව ඊයේ (නොවැ. 29) ප.ව.11:30 වන විට යාපනය සිට 130 km ක් උතුරු දෙසින්, අක්ෂාංශ 10.7°N සහ දේශාංශ 80.6°E ආසන්නයේ කේන්ද්රගතව වී ඇත.
කාලගුණ විද්යා දෙපාර්තමේන්තුව සඳහන් කළේ, මෙම පද්ධතිය උතුරු දෙසට ගමන් කර ඉදිරි පැය 24 තුළ ඉන්දියාවේ තමිල්නාඩු වෙරළ තීරයට සමාන්තරව ගමන් කරනු ඇතැයි අපේක්ෂා කරන බව ය.
පවතින වැසි සහිත කාලගුණ තත්ත්වයේ අඩුවීමක් අද (නොවැ. 30) සිට අපේක්ෂා කරන බව එම දෙපාර්තමේන්තුව පැවසීය.
උතුර, උතුරුමැද, වයඹ, බස්නාහිර, සබරගමුව පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් වැසි වාර කිහිපයක් ඇති විය හැකි ය.
උතුරු, උතුරු-මැද, සහ වයඹ පළාත්වල සහ ත්රිකුණාමලය දිස්ත්රික්කයේ විටින් විට හමන පැ.කි.මී. (50-60) දක්වා වන ඉතා තද සුළං ඇතිවිය හැකි ය.
තද සුළං මගින් සිදුවන අනතුරු අවම කර ගැනීමට අවශ්ය පියවර ගන්නා ලෙස ජනතාවගෙන් ඉල්ලා සිටින බව කාලගුණ විද්යා දෙපාර්තමේන්තුව සඳහන් කළේ ය.
Under the courtesy of ceylontoday.lk
