තරුණිය 2019 වසරේ අපොස (සාමාන්ය පෙළ) විභාගයට පෙනී සිට මේ වනවිට ප්රතිඵල අපේක්ෂාවෙන් සිට ඇත.
අවුරුදු 17ක් වයසැති පාසල් දැරියක දූෂණය කර පස් මස් ගැබිනියක් කිරීමේ චෝදනාවට සැකපිට මස්කෙළිය, ලකඹේ පෞද්ගලික තේ වතුයායේ අවිවාහක තරුණයකු පොලිසිය මඟින් පෙරේදා (17දා) අත්අඩංගුවට ගත් බව මස්කෙළිය පොලිසිය පවසනවා.
සැකකරු හා මෙම දැරිය මස්කෙළිය, ලකඹේ තේ වතුයායේ එකම වතු නිවාස පේළියේ පදිංචිකරුවන් වන අතර සැකකරු 27 හැවිරිදි තරුණයෙකි.
දැරියගේ මව හා පියා කොළඹ ප්රදේශයේ රැකියාවල නියුතුව ඇති බවත් ඇය වැඩිමහල් සොහොයුරා සමඟ නිවෙසේ සිට ඇති බවත් පොලිසිය කියයි. සැකකරු දැනට වසර 2ක පමණ කාලයක සිට මෙම දැරිය වරින් වර දූෂණය කර ඇති බවට පරීක්ෂණවලදී අනාවරණය වූ බවද කියයි.
මෙම තරුණිය 2019 වසරේ අපොස (සාමාන්ය පෙළ) විභාගයට පෙනී සිට මේ වනවිට ප්රතිඵල අපේක්ෂාවෙන් සිට ඇත.
දැරියගේ මව මස්කෙළිය පොලිසියට කළ පැමිණිල්ලක් අනුව දැරිය දික්ඔය දිස්ත්රික් මූලික රෝහල වෙත ඇතුළත් කිරීමෙන් පසුව පස් මස් වියැති ගැබිනියක් බවට වෛද්ය පරීක්ෂණවලදී අනාවරණය වූ බව මස්කෙළිය පොලිසිය පවසයි. මේ වනවිට දැරිය දික්ඔය මූලික රෝහලේ නේවාසිකව ප්රතිකාර ලබමින් පසු වන්නීය.
හැටන් - චන්න අද්දරගේ
under the courtesy of mawbima.lk news web