ව්‍යායාම කිරීම
ව්‍යායාම කිරීම මඟින් පටකවල තැන්පත් වී ඇති මේදය අඩු කිරීමට වගේම පියයුරු වල හැඩය වෙනස් කර ගැනීමටත් හැකියාව තිබෙනවා. මේ සඳහා වෛද්‍යවරයෙකුගේ උපදෙස් ලබා ගැනීමෙන් අනතුරුව සුදුසුකම් ලත් උපදේශකවරයෙකු යටතේ ව්‍යායාමවල නිරත වීම කළ යුතුයි.ඒ වගේම එම ව්‍යායාම රටාවට ගැලපෙන පරිදි ඔබේ ආහාර රටාවත් සකස් කර ගැනීමට සැලකිලිමත් වන්න
සුදුසු බ්‍රා වර්ගයක් භාවිතා කරන්න
පියයුරු එල්ලා වැටීම වැළැක්වීම සඳහා සුදුසු බ්‍රා වර්ග වෙළඳපොලේ ඕනෑ තරම් තිබෙනවා.එවැනි බ්‍රා වර්ගයක් තෝරා ගැනීමේදී ඒවා නිපදවා ඇති හැඩය සහ රෙදිපිළි පිළිබදවත් , සුවපහසුව පිලිබඳවත් සොයා බැලිය යුතුයි. ඔබ අපේක්ෂා කරන ප්‍රතිඵල ලබා ගැනීමට එවැනි සාධක අනිවාර්යයෙන්ම වැදගත් වනවා
සෞඛ්‍යසම්පන්න ආහාර තෝරා ගන්න
ඔබේ ශරීරයේ බර වෙනස් වීම පියයුරු වල හැඩය වෙනස්වීම කෙරෙහි බලපෑමක් ඇති කරනවා. ඉතා හොඳ ආහාර රටාවක් අනුගමනය කිරීම සහ නැවුම් එළවළු, පලතුරු සහ පලා වර්ග ඔබේ ආහාර වේලට එකතු කර ගන්න.කෘතීම පාන වර්ග , අධික ලෙස සීනි යෙදූ පාන වර්ග වෙනුවට ස්වාභාවික පලතුරු යුශ වර්ග භාවිතයට හුරු වීමද නුවණට හුරුයි.
හොඳ ඉරියව් පුහුණු කිරීම
මේ කාරණාව පියයුරු වල හැඩය පිළිබඳ සැලකිලිමත් වන ඕනෑම කෙනෙකුට සුදුසුයි.ඔබ ඔබේ පිට ප්‍රදේශය සහ උරහිස් කෙලින් තබා ගැනීමට එවැනි ඉරියව් ඔබේ සිරුර පුරා ඒකාකාරව ඔබේ බර බෙදා ගැනීමට උපකාරී වනවා. පැය පියයුරු සහ මාංශ පේශීන් එල්ලා වැටීම වැලැක්වීමට හේතුවනවා.
සම්භාහනය කරන්න
මව්කිරි දීමෙන් ඔබේ පියයුරු වලට විශාල උත්තේජනයක් ලැබෙනවා, නමුත් කිරි වැරීමෙන් ඒවාට කිසිම උත්තේජනයක් ලැබෙන්නේ නැහැ.පියයුරු සම්භාහනය කිරීම මගින් එවැනි උත්තේජනයක් පියයුරු වලට ලැබෙනවා.එමගින් පියයුරු එල්ලා වැටීම වළක්වනවා. ඊට අමතරව රුධිර සංසරණය පුනර්ජීවනය කිරීමට සහ පියයුරු පටක අලුත්වැඩියා කිරීමට සහ නැවත වර්ධනය වීමට සහාය වේ. ඔලිව් තෙල් හෝ ආමන්ඩ් තෙල් භාවිතා කිරීමෙන් එල්ලා වැටීමේ බලපෑම අඩු කළ හැකි අතර සම්භාහනය කිරීමේදි එවැනි තෙල් වර්ගයක් භාවිතා කිරීමට ඔබට හැකියාව තිබෙනවා
ඔබේ සම ගැන සැලකිලිමත් වෙන්න
පියයුරු එල්ලා වැටීමේ දී පියයුරු ආශ්‍රිත සම තව තවත් වියළි භාවයට පත් වෙන්නට පුළුවන්. එමඟින් පියයුරු වැහැරී ගිය ස්වභාවයක් ගනිමින් වියපත් පෙනුමක් ගන්නවා. ඒ නිසා ඒ ආශ්‍රිත ප්‍රදේශ වලටත් ඉතා හොඳ මොයිස්චරයිසර් එකක් භාවිතා කළ යුතුයි.
මේ ක්‍රම වලට අමතරව ලේසර් ප්‍රතිකාර සහ ශල්‍යකර්මද මේ ගැටළුවට විසඳුම් ලෙස තිබෙනවා. නමුත් එවැනි ක්‍රම අනුගමනය කළ යුතු වන්නේ සුදුසුකම් ලත් විශේෂඥ වෛද්‍යවරු යටතේ පමණයි. කෙසේ වෙතත් අධික මුදලක් වැයවන එවැනි ක්‍රම වලට වඩා ස්වාභාවික ක්‍රම භාවිතා කිරීම නුවණට හුරුයි.