පියා තම දෙවැනි පුතාවත් ඝාතනය කරයි

 මාතර, සිරිවිජය මාවතේ වල්ගම ප්‍රදේශයේ පදිංචි පියෙකු විසින් සිය පුත්‍රයාට විදුලි සැර වැදෙන්නට සලස්වා ඝාතනය කර ඇති බවට මාතර පොලීසිය පවසයි. ඊයේ (25) රත්‍රී 9.30-10 ත් අතර කාලය තුළ මෙම ඝතනය සිදුව ඇති බවට තොරතුරුවාර්තා වී ඇති බව පොලීසිය සඳහන් කළේය. පවුල් ආරවුලක් හේතුවෙන් මෙම ඝාතනය පියා විසින් සිදු කරන්නට ඇති බවත් ඝතනය සිදුකළ පියා, සිය බිරිඳගෙන් සහ දරුවන්ගෙන් වෙන්ව,වෙනම ජීවත්ව සිටි බව වාර්තා වෙයි.

ඊයේ රාත්‍රීයේ මිය ගිය පුතා බීමත්ව සිය පියාගේ නිවසට පැමිණ ඇති අතර එහිදී පියා සමඟ බහින් බස්

වී පිටව ගොස් තිබේ.

පසුව මිය ගිය පුතා නැවත පියාගේ නිවසට පැමිණ ඇති අතර එම අවස්ථාවේ පියා විසින් නිවස ඉදිරිපිට ඇද තිබූ විදුලි කම්බියක වැද්ද වීමෙන් පුත්‍රයා මිය යෑමට සළස්වා  ඇති බව අනාවරණය වී තිබේ.

ඝාතනය සිදු කළ පියා විසින් ඔහු නැවතී සිටි නිවස ආවරණය වන පරදි විදුලි රැහැන් ඇද තිබේ. මෙලෙස ඝාතනයට ලක්වූ තැනැත්තා මතියගේ උදාර මධුසංඛ නැමති 30 හැවිරිදි වියේ පසුවූ අවිවාහක තරුණයෙකි.

මේ අතර මීට වසර 8කට පෙරද මෙම සැකකාර පියා විසින් සිය වැඩිමල් පුත්‍රයාට පිහියකින් ඇණ ඝාතනය කිරීමේ වරදට බන්ධනාගාර ගතව සිට 2017 ඔක්තොම්බර් 10 වන දින නිදහස ලබා පැමණ සිට ඇති බව අප වාර්තාකරු සඳහන් කළේය.

ඝාතනයට සම්බන්ධ සැකකාර පියා ප්‍රදේශයේ පලාගොස්ව සිටිය දී මාතර පොලීසිය විසින් අත්අඩංගුවට ගෙන ඇති බව වාර්තා වෙයි. මෘත ශරීරය මහේස්ත්‍රාත් පරික්ෂණය සිදු කරීමෙන් අනතුරුව පශ්චාත් මරණ සඳහා මාතර රෝහලේ මෘත ශරීරාගාරයේ තැම්පත් කර ඇත.

සිද්ධිය සම්බන්ධයෙන් මාතර පොලීසිය වැඩිදුර විමර්ශන සිදු කරයි.