ගුටි ගසාගෙන ඇත්තේ එංගලන්ත ජාතිකයකු හා ඉතාලි ජාතිකයකු බව පොලිසිය පවසයි
පෙම් පලහිව්වක් සම්බන්ධයෙන් විදේශික ජාතිකයන් දෙදෙනකු අතර ඇති වූ ගුටි බැට හුවමාරුවක් දුර
දිග යෑමෙන් එක් විදේශීිය ජාතිකයකු තුවාල ලබා කරාපිටිය රෝහලට ඇතුළත් කොට ඇති බැව් හබරාදුව පොලිසිය පවසයි. උණවටුන ප්රදේශයේදී මෙම ගුටි බැට හුවමාරුව වී ඇත.මෙසේ ගුටි ගසාගෙන ඇත්තේ එංගලන්ත ජාතිකයකු හා ඉතාලි ජාතිකයකු බව පොලිසිය පවසයි. මෙරට තරුණියක් සමඟ ඇති කරගෙන තිබූ ප්රේම සම්බන්ධතාවක් හේතුවෙන් මෙම ගැටුම ඇති වූ බව පොලිසිය පවසයි. තරුණිය එංගලන්ත ජාතිකයා සමඟ ප්රේම සම්බන්ධතාවක් ඇති කරගෙන ගොස් ඇත. පසුව එම ප්රේම සම්බන්ධතාව බිඳ වැටී තිබේ. පසුව ඇය වෙනත් විදේශිකයකු සමඟ සම්බන්ධතාවක් ඇති කරගෙන ඇත.
මෙම ප්රේම පලහිලව්ව හේතුවෙන් එංගලන්ත ජාතිකයා විසින් ඉතාලි ජාතිකයාට පහරදී ඇත. පහරදීම සම්බන්ධයෙන් එංගලන්ත ජාතිකයා හබරාදුව පොලිසිය මඟින් අත්අඩංගුවට ගෙන ඇත.
හබරාදුව පොලිසිය විසින් වැඩිදුර පරීක්ෂණ පවත්වයි
මාපලගම - රසික සෙනවිරත්න
under the courtesy of mawbima.lk news web