රාජ්‍ය ආයතනවලට පැමිණෙන මහජනතාව අවම කරගත යුතුය
විදේශගතව සිට පැමිණෙන නිරෝධායන කටයුතු සඳහා යොමු කරන පුද්ගලයින් සහ ස්වයං නිරෝධායන කටයුතුවලට යොමුවන පුද්ගලයින්ට අවශ්‍ය කරන විශේෂ නිවාඩු ආයතන සංග්‍රහය යටතේ ලබාදීමට
අමාත්‍යාංශ ලේකම් සහ දෙපාර්තමේන්තු ප්‍රධානීන් කටයුතු කළ යුතු වෙයි.රාජ්‍ය ආයතනවලට පැමිණෙන මහජනතාව අවම කරගත යුතු අතර මහජන දිනයේ දී ජනතාව කාර්යාලයට පැමිණීම සීමා කිරීම සඳහා දුරකතන, ඊ- මේල් වැනි මාධ්යර ඔස්සේ ගැටළු නිරාකරණයට පියවර ගත යුතු වෙයි.
සියලූම රජයේ කාර්යාලවලට පැමිණෙන රාජ්‍ය නිලධාරීන් සහ මහජනතාව විෂ බීජවලින් ආරක්ෂා කිරීම සඳහා පියවර ගත යුතු අතර පුහුණු වැඩසටහන් හා රැස්වීම් තාවකාලිකව නතර කළ යුතු බව රාජ්‍ය පරිපාලන හා ස්වදේශ කටයුතු අමාත්‍යාංශය නිකුත් කළ චක්‍රලේඛයේ දැක්වෙයි.
මේ අතර කොරෝනා රෝග තත්ත්වය තවදුරටත් ව්‍යාප්ත වන්නේ නම් රජයේ කාර්යාලවල කටයුතු සීමා කිරීමට සිදුවිය හැකි බැවින් එහිදී මාණ්ඩලික ප්‍රධානීන් සහ අත්‍යාවශ්‍ය සහයක නිලධාරීන් පමණක් කාර්යාල වෙත වාර්තා කිරීම අදාල උපදෙස් පරිදි සිදුකළ යුතුයි.
under the courtesy of adaderana.lk news web